Það snjóar! yfir mig leiðbeiningum um hollt matarræði. Breski matarþátturinn er stútfullur af fróðleik um hvernig best er að halda sé ungri og fallegri og gáfaðri. Verst að vænt prósent af heilastarfseminni fer í að muna allan þennan fróðleik. (þessvegna skrifa ég þetta hjá mér hérna)

Young & beautiful:
Tómatar vernda húðina. Jarðaber & bláber minnka líkur á krabbameini og fl. þegar við eldumst og bæta minnið. Spínat getur bjargaða sjóninni með lútín sem styrkir augnbotninn. (líka grænkál, kiwi og eggjarauður). Rauðvín ver okkur gegn hjartasjúkdómum. Feitur fiskur virkar gegn streitu. Kolvetni er gott fyrir langtímaúthald (hvaða hlaupari veit það ekki??). Að borða oft í litlum skömmtum eykur afköst um 25%. Óljóst hvort grænmetisætur eru sterkari, en þær er fljótari að innbyrða hitaeiningarnar :] sem er gott.  Það hefur örugglega haft mikil áhfrif á hagvöxtinn í "gamla daga" þegar fólk fór að taka uppá því að borða kjöt. Þá hafði það skyndilega tíma til að gera fleira en borða.

Pétur Halldórsson hjá ruv á Akureyri lætur einnig rigna yfir okkur fróðleik.
Burnirót er góð við nánast öllu. Stressi, kyndeyfð, eykur þrek og þol, skerpir hugann .. Rússar notuðu þetta fyrir geimfarana, skákmeistarana og íþróttafólkið. Turmeric (guli liturinn í karrý) vinnur gegn alzheimer. Borða indverskt !

Næst set ég saman matseðil úr þessum fróðleik, borða karrý svo ég muni að bjóða fólki í mat.

b

Stelpurnar okkar unnu Grunnskólamótið í fótbolta í Egilshöll á sunnudaginn.

Eydís varði 5 víti, hún fær ís. Eru þær ekki glæsilegar!

Ég átti alltaf eftir að birta úrslitin í sumarlangri æsispennandi mergrunarkeppni. Berlínar maraþons, íbúðar, peninga og skólastress að þvælast fyrir mér. Svona lítur þetta út:

5,6%             Ásta

4,1%             Birna

3,2%             Vala

2,6%             Magga

-0,1%            Yngvi

Sumsé, Ásta sigraði með glæsibrag og ég varð í öðru sæti. Þess ber þó að geta að ég sá um skráningu og samdi reglurnar og er ekki laust við að ég lýsi mig vanhæfa. Ef ég hefði sigraði þá hefði ég krafist afsagnar.

Hvað var aftur í verðlaun? Annað er sexy kroppur?  já bikarinn Sexy-Bastard og ís? Hvað með ferð á pöbbinn og stór af krana

b

Jól í skókassa er verkefni sem er unnið af 13 manna hópi úr KFUM og KFUK og felst í því að setja nokkrar gjafir í skókassa og senda til þurfandi barna í Úkraínu. Markmiðið með verkefninu er að mæta þörfum fólks og sýna kærleika Guðs í verki. Úkraína er stórt land og þar búa um 50 milljónir manna. Á svæðunum þar sem skókössunum er dreifter allt að 80% atvinnuleysi og fara kassarnir meðal annars á munaðarleysingjaheimili, barnaspítala og til barna einstæðra foreldra.
Þetta er í fjórða sinn sem verkefnið er unnið. Fyrir jólin 2004 söfnuðust 500 skókassar, ári síðar 2660 og fyrir síðustu jól 4900 gjafir!  þetta ætti að fara í Excel og línurit ..  Vá, afskaplega línuleg þróun á þessum 3 punktum. Ef svo heldur fram sem horfir þá verða kassarnir 7100 í ár.

Byrjið á að finna tóman skókassa og pakkið honum inn í jólapappír. Pakkið lokinu sérstaklega inn svo hægt sé að opna pakkann. Setjið svo gjafir eins og ritföng, föt, leikföng, hreinlætisvörur og sælgæti í skókassann. Best er að setja einn hlut úr hverjum þessara flokka í kassann. Setjið að lokum 300-500 kr í umslag efst í kassann fyrir sendingarkostnaði.
www.skokassar.net