Nú er nóg komið af leiðindum. Förum í búðir á morgun eftir vinnu, fáum okkur hvítvínsglas saman og kaupum kjól ( Kjóll og hvítt ). Nú borgar sig að versla jólagjafirnar snemma, áður en túristarnir kaupa allt upp á lága genginu.

 

b

 

 

Aðalvandamálið er að í stjórnkerfi Íslands er "valinn maður í hverju rúmi". Við höfum látið það viðgangast of lengi.

 

b

Birti hér þetta magnaða bréf sem mér barst:

Hvern fjandann er fólkið að meina?

Starfs míns vegna neyðist ég til að lesa kreppufréttir daginn út og  daginn inn. Auðvitað finnst mér þetta alveg hræðilegt og allt það en það er eitt sem ég skil ekki.
Flestir tala um að nú sé kominn tími til að sinna börnunum sínum, fjölskyldu og vinum. Hvað í andskotanum heldur þetta fólk að íslenskur almenningur hafi haft fyrir stafni? Skyldi það ætla að við höfum verið viti okkar fjær og stigið trylltan dans í  kringum gullkálfinn á meðan börnin okkar, vinir og ættingjar lágu óbættir hjá garði?
Umkomulausir og einmana þar sem enginn hafði nokkurn tíma fyrir þá?

Ég sjálf og allir sem ég þekki hafa nú verið uppteknir af því að vinna fyrir sér, að vísu ekki að vinna fyrir bankastjóralaunum heldur bara svona til að eiga fyrir salti í grautinn. Þessi sauðsvarti almúgi sem ég þekki hefur bara hugsað vel um börnin sín, takk fyrir. Hringt í  vini og ættingja og heimsótt þá jafnvel ef sérlega vel hefur legið á fólki.

Mér finnst þessi umræða gjörsamlega fáránleg. Það er verið að slá  ryki í augun á okkur með því að við getum nú gert svo margt gott og  nytsamlegt þótt búið sé að ræna okkur aleigunni og marga starfinu.  Nú þakkar maður fyrir það helst að hafa þó vinnu. Það er verið að  koma inn hjá okkur samviskubiti, að við höfum nú ekki hugsað sem best um þá sem næst okkur standa.

Nú þegar við erum orðin atvinnulaus og blönk getum við allavega gefið okkur tíma að sinna börnunum í stað þess að  æsa okkur yfir því að það sé búið að svipta okkur aleigunni og atvinnunni. Við eigum nefnilega ekkert að vera að velta okkur upp úr því hver sé  ástæðan fyrir þessum hremmingum, við erum hvort eð er svo vitlaus að við munum aldrei geta skilið að þetta var eiginlega alveg óvart og  mönnum í útlöndum að kenna. Hvað er svo sem að marka einhverja aumingja sem eiga ekki einu sinni part í þyrlu?

Ég fyrir mína parta ætla að halda áfram að sinna börnunum mínum, ættingjum og vinum. En ég ætla líka að vera reið, alveg fjúkandi vond, og ekki hætta fyrr en ég hef fengið svör við því hvernig í andskotanum  allt gat farið hér til helvítis á einni nóttu.

Afsakið orðbragðið.
Kona

 

 

 

 

 

 

Ég er að hugsa um að setja upp edubuntu á vélina mína um helgina. við Baldur ætlum að prófa það aðeins .. og drafta svo skýrslu um kosti/galla til að senda menntamálaráðherra til að auka kúlið og draga úr kostnaði í menntakerfinu, svona í kreppunni. Yngvi má leggja orð í belg ef hann sé stilltur.

b

 

 

 

b

 

 

To:  Ríkisstjórn Íslands

Davíð Oddsson verður að segja af sér til þess að fólk öðlist traust á aðgerðum seðlabanka Íslands. Allir erlendir seðlabankar hafa menntaða hagfræðinga við stjórnvölinn, eða eins og það heitir á góðri íslensku: Fagfólk. Davíð Oddsson er fagmaður þegar það kemur að pólitík, en seinustu mánuðir hafa sýnt að hann hefur ekki nægilegt innsæi í alþjóðleg fjármálaviðskipti til að takast á við alvarleg vandamál af þessu tagi.

Hann ætti að segja af sér af því við vitum vel að enginn innan ríkisstjórnarinnar hefur hugrekkið til að reka hann og breyta um stefnu. En hann veit vel eins og við hin að nú er þörf á stefnubreytingu.

http://www.petitiononline.com/fab423/petition.html

b