| Perfil de Birnafrú birnaFotosBlogListas |  Herramientas  Ayuda |
|
29 junio Nákvæmlega !Kári Harðar segir :
Búin að kaupa íbúðJæja, nú á ég 2 íbúðir og 1 kall og var kallinn sýnu dýrastur.
Fyrir viku var ég ekkert að kaupa íbúð, en svona er lífið. Stressið hefur valdið því að ég léttist um 1,5 kg á 2 dögum. Ef ég kaupi 2 íbúðir á viku þá verð ég horfin 11.desember.
En núna er ég í ataraxiu - hugurinn eins og heiðavatn
b 28 junio Working 9-5Það besta við að vinna 9-5 er að kl 5 er komið sumarfrí. Nú get ég lesið lesið bók í sólbaði eða farið á kaffihús án samviskubits. Ég gerði þetta auðvitað líka þegar ég var á skólabekk, en tók samviskubitið alltaf með. Núna er ég að lesa "Hundabókina" eins og hún er kölluð á þessu heimili. "The Curious Incident of the Dog in the Night-time". Ég á hana bæði á ensku og íslensku og les þær til skiptis. Bókin er um einhverfan strák sem leysir morðgátu. Kaflarnir eru númeraðir með prímtölum og í kafla 101 er einföld og góð útskýring á Monty Hall vandamálinu og hversvegna það borgar sig að skipta um dyr.
Lífið er prímtala. Við þurfum að gera annað tilboð í íbúðina. Nú verður það prímtala !
27 junio TilboðÉg er í stresskasti - búin að bjóða í íbúð. Ég minnist þess ekki að hafa kippt mér uppvið íbúðarkaup áður.
b 26 junio "Langar-í" veikinÉg skoðaði íbúð í gær og er komin með langar-í veikina. Kannski var ég ekki síst skotin í konunni sem er að selja (alvöru kella) og málverkunum hennar. Yngvi benti mér á að málverkin fylgja ekki með íbúðinni. Ohh damn! Eydís er tilbúin til að flytja ca. 70metra. Íbúðin er innan þess radíuss. Núna er ég að reikna út greiðslubyrði af húsnæðislánum
Íbúðin mín er metin á 3x hærri upphæð en ég keypti hana á fyrir 10 árum og launin mín eru 3x hærri en þá. Þetta er ca 12% verðbólga á ári.
Ekkert bætir skapið meira en að eyða peningum, nema ef vera skyldi að eyða miklum peningum.
b 22 junio Niðurstöður út Lotu II Ég vinn! Ég vinn! Ég vinn!
b 21 junio Skipulagsmál - já elskanKosningarnar í Hafnafirði snerust ekkert um skipulagsmál, heldur hvort það ætti að stækka álverið og ég held að flest allir sem kusu hafi verið á þeirri skoðun. b VinnuskólinnÍ Fréttablaðinu í morgun var smá grein um krakka hjá Vinnuskóla Reykjavíkur sem saumuðu víkingaföt fyrir einhvern atburð. Voða sæt grein. Á myndinni mátti sjá:
Er það m.a. þarna sem krakkarnir læra hvernig vinnumarkaður á að virka ?
Mér finnst það lágmark að "Vinnuskólinn" taki frumkvæðið og kenni krökkunum að brjóstat útúr þessu mynstri. Mér finnst að vinnuskólinn ætti að vera með markvissar aðgerðir til þess að hópstjórar stýrist ekki bara af eigin fordómum og setji strákan óvart á sláttuorfin og stelpurnar í saumaskapinn.
Hvað finnst þér?
með sumarkveðju
frú birna 20 junio Til hamingju !Ég fór í BootCamp í morgun -
 Til hamingju  Vala er 25 ára í dag -
 Til hamingju  Hjalti Trostan bróður sonur minn er 2ja ára -
 Til hamingju  b 19 junio Ich bin ein BerlinerKræst! ég var að fatta að það eru rétt um 3 mánuðir fram að Berlínar maraþoninu .. Ég er spægipylsa
Til hamingju með daginn elskurnar
b 18 junio BootCamp 6:15Æfingarnar ganga vel. Ég vaknaði eld-snemma og skrópaði á BootCamp æfingu.
Ég ætla að mæta á miðvikudaginn. Þá verð ég búin að safna kjarki.
Ég reyndi að drekka í mig kjark um helgina. Það dugði ekki.
b 15 junio I walk the Valley of Humility
Þessa skáldlega setning var í "word a day" póstinum mínum. Mér fannst hún flott og notaði hana sam msn kvót. Hún er ekki lýsandi fyrir mig. Það er lítil hætta á að ég verði hógvær. Ég er að norðan .. b 12 junio NafngiftirSum fyrirtæki heita góðum nöfnum. Eins og hellulagningafyrirtæki sem heitir "Stéttafélagið"
Berserkir finnst mér líka gott nafn og lýsandi þar sem þeir eru mest í að brjóta niður veggi.
Faggarðar virkar ekki alveg eins vel. Hvorki ég né Baldur getum lesið þetta nafn rétt.
b Fjallganga dagsinsNú er meiningin að gera eitthvað alvöru á hverjum degi. Búin að fara nokkrum sinnum á Esjuna og hlaupa hér og þar.
Í kvöld ætlaði ég á Esjuna, en þegar ég loksins dróst frá sjónvarpsskjánum og David Attenborough þá skein sólin ekki lengur á gönguleiðina upp Esjuna þ.a. ég týmdi (nennti) ekki að fara þangað. Þess í stað ókum við uppað Lágafellskirkju og gengum á Lágafell :] það var einmitt nógu lágt fyrir stuðið og stemminguna. Mér hefur alltaf þótt kirkjan falleg og þarna skein kvöldsólin á mjúkan mosann og heimaríkan Tjald. Hér og þar gægðust Þúfusteinbrjótur, Músareyra og Lambagras uppúr mosanum. (ég var að fletta í blómabók)
En kannast hlustendur við vísu í þessum dúr eftir sama höfund:
Nú er nóg komið. Ég þarf að fara snemma í háttinn til að geta farið út að hlaupa í fyrramálið og bæta fyrir leti kvöldsins. Annars kemst ég aldrei þetta blessaða maraþon í haust.
b
Já, og stelpurnar unnu Gróttu 3-1 í dag .. þær eru efstar í riðlinum <sjá KSÍ síðuna> 11 junio Í nýju vinnunniÉg gekk of langt í dag.
Við sitjum við borðaraðir eins og á bókasafni og ég er ekki alveg búin að læra að rata á minn bás.
b 07 junio Sellu-súpaÉg er með Sellu-fund í kvöld. Búin að bjóða tölvustelpum í mat
og svo tölum við bara frönsku.. þetta verður þögult
b
05 junio 8-1 sigur og mótin í sumarSkýrsla frá soccer mum
4.flokkur kvenna hjá Fram sigraði Ægi-KFR rétt áðan 8-1 í fyrsta leik á Íslandsmeistaramóti sumarsins
Auk Íslandsmeistara mótsins fara stelpurnar líklegast á Símamótið í Smáranum og á pæjumótið á Siglufirði í byrjun ágúst. Foreldrafundur í næstu viku.
frú Birna YES !Allt að gerast! Loksins er verið að taka á einokunar tilburðum MS á mjólkurvörumarkaði.
Tími Framsóknarflokksins og Kaupfélaganna er liðinn. Ég get ekki annað en vonað að fyrirtæki eins og Mjólka nái fótfestur. Fyrirtæki sem hafa kjark til að berjast við "kerfið".
Ég fór á myndina Das Leben der Anderen sem er um persónunjósnir Stasi og hvernig fólk var kúgað til að jánka "réttum" viðhorfum og skoðunum. Alls ekki að ógna valdhöfum. Einungis þeir sem voru innundir fengu stöðu.
Myndin minnti mig óþægilega á ýmsar aðgerðir sem hafa verið gerðar hér á Íslandi. Hugtakið "bláa höndin" er ekki til útaf engu. Fólk missti vinnuna ef það skrifaði smásögu sem hljómaði óþægilega. Stofnanir voru lagðar niður ef stjórnendur voru ósammála stjórnvöldum. Þjóðhagsstofnun. Mannréttindaskrifstofa fjársvelt í kjölfar gagnrýni. Embætti veiðimálastjóra var flutt útá land þegar yfirmanninn gagnrýndi ráðherra.
Bitamunur eða fjár ?
p.s. er rétt af mér að skrifa í þátíð ? |
|
|
