Við fljúgum til Berlínar á eftir. Þetta verður gaman, nema kannski akkúrat hlaupið, það verður erfitt. Ég er langt í frá í formi til að hlaupa maraþon. Mér finnst ég lítið hafa skánað í lærinu og búin að "hvíla" mikið þ.a. æfingin hefur ekki verið uppá marga fiska. Þetta verður tekið með láta tímann líða án þess að hætta að hlaupa. Með þolinmæði og þrjóskusvip. Ég ætla að kaupa mér svarta fína íþróttaskó sem ég get notað bæði með gallabuxum og pilsi. Ég get ekki gengið um alla Berlín á háum hælum. Sérstaklega ekki eftir maraþonhlaup. Svo kannski einn öl.

 

b fyrir berlín

 

Hvað er eiginlega gert við allt þetta dóp sem kom á land fyrir austan ? Hvaðan kom launabónusinn sem löggan fékk?

 

b

 

Ræður Landsvirkun þessu? Hún er  í viðræðum við 12 erlenda aðila  um sölu á raforku. Er til næg raforka? Ræður Landsvirkjun því á hvaða verði hún er seld? Stjórnar Landsvirkjun þróun atvinnuvega á Íslandi? Álver vs. netþjónabú. Hefur enginn annar neitt um það að segja? Hvað með atvinnuvegaráðuneyti ? Umhverfisráðuneyti? Fjármálaráðuneyti - já eða jafnvel við, fólkið sem býr hérna og Á landið og orkuna.

Það held ég nú!   

Annars hef ég engann tíma til að rífast. Ég á eftir að fara yfir 50 verkefni og pakka fyrir Berlínarferðina (úff, maraþon stress í maganum) og vinna á morgun og svo þarf ég að skila forritunarverkefni næstum strax eftir að ég kem heim aftur.  Já, og finna útúr því hvað ég geri við Eydísi á meðan ég er í Berlín. Pétur er líka einhversstaðar á þvælingi.

 

Ég setti inn þessa fallegu mynd af hindberjum í skál til að fá smá kyrrð og fegurð.

Hámarkshraðinn er 70. Ég keyri á 90. Allir hinir bruna frammúr !

ég fer svona hægt vegna þess að ég fékk mér rauðvin með matnum.

Er þetta íslenska umferðarmenningin í hnotskurn?!  

 

b

 

I'm the 38,208,396 richest person on earth! Discover how rich you are! >>

 

Ég var að skila inn verkefni í Málvinnslu kúrsinum hjá Hrafni. "Tilreiðari"  eða Tokeniser, skrifaður í Perl. Það er nokkuð skemmtilegt og skrítið forritunarmál. Skilafresturinn var til kl 23:59 og ég skilaði síðustu skránni kl 23:58. Ég gleymdi að við áttum að skila með skipanaskrá sem keyrir upp forritið . . en það rétt slapp undir hurðina áður en kerfið lokaði á mig. Mamma kíkti í heimsókn áðan og ég varð skelfingu lostin og nánast rak hana út. Ég var að hnýta endahnútana 20 mín fyrir skilafrest. There is no time like the last time!

 

b

 

Hugsa sér hvað tímarnir breytast. Nú er google eitt af því sem er alltaf við hendina og manni finnst ómissandi. Eins og gemsinn. Ég átti ekki gemsa fyrir 10 árum og saknaði þess ekki. En ég man að mig vantaði almennilega leitarvél. Aðrar leitarvélar sem skiluðu mér 100.000 óáhugaverðum niðurstöðum gerðu lítið annað en eyða mínum tíma.

Núna er Wikipedia.org mitt uppáhald og þegar Google skilar mér Wikipedia síðu, þá skoða ég hana fyrst.

Þessi verkfæri og netið verða örugglega jafn stór í sögunni og ritmálið og prentvélin. 1.000x auðveldara að dreifa upplýsingum.

 

b

 

Í Bolungarvík verður farið útí byggingaframkvæmdir þegar fiskverkakonur missa vinnuna.
 

b

Ég er að keyra mig á bólakaf .. Nám, vinna, kennsla, hlaupaæfingar, sjúkraþjálfun, íbúð, kærasti, messuhópur, stjórn Fram og stjórn FT, foreldrafélag, ferming, bíll, elda, skúra, þvo, peningar..  Þetta er bara OF MIKIÐ. Ég er farin að missa bolta í gólfið. Ég vakna upp um miðja nótt og held ég hafi gleymt að ég ætti að kenna... Núna er ég í tiltekt. Hætt í Semantics í HR, búin að ákveða að selja Safamýri 38, nóg að eiga eina íbúð og búin að segja elsku ofdekraða unglingnum það. (en það var erfiðara en að ákveða að selja)  . .  það er langt í að ég upplifi Zen.

What IS the meaning of life ? 42 ?

 

b

 

 

 

b

 

 

 

Nú er búið að sparka nógu mikið í Vinnumálastofnun þ.a. þeir loksins hundskast til að gera eitthvað í því að verktakafyrirtæki eru með óskráða starfsmenn í vinnu. Þetta hefur viðgengist árum saman. Árum saman ... Núna er búið að segja í sjónvarpsfréttum að þeir séu ekki að standa sig. Þá loksins leggja þeir frá sér kaffibollann og standa upp. Kannski hafa þeir leyfi til þess núna þegar það er búið að reisa Kárahnjúkavirkun.

 

Ég er hjá sjúkraþjálfara og í íbúfeni og að verða góð í lærinu. . Í hvern þarf að sparka núna ?

 

b

 

seinna sama dag .. ég skil þetta ekki alveg. Átti ekki að stöðva framkvæmdir kl 11 í morgun!? Ég legg til að forstjóri vinnumálastofnunar verði rekinn.   Kæri félagsmálaráðherra . .

 

 

 

Ég sá konu elda pasta Carbonara í sjónvarpinu um daginn og er búin að vera með það á heilanum síðan.  Þvílíkt djúsí og "næringarríkur" réttur. 6 egg, hálfur bolli af parmesan osti og peli af rjóma og svo auðvitað beikon.

 

Ég er búin að kaupa parmesan ostinn á 800 kr!  Hvenær verða tollamúrarnir um landið lækkaðir þ.a. saklausar íslenskar húsmæður geti eldað pastarétt án þess að höggva skarð í VISA kortið?

 

b